Бүгүн, 10-ноябрда, Кыргызстанда Жогорку Кеңештин мөөнөтүнөн мурдагы шайлоосуна карата үгүт өнөктүгү расмий түрдө башталды.
Мөөнөтүнөн мурда шайлоо болгондуктан, шайлоо процессинин жалпы мөөнөтү үчтөн бирге кыскартылды. Үгүт иштери 10–29-ноябрь күндөрү, саат 8:00гө чейин жүргүзүлөт.
БШКнын маалыматына караганда, депутаттыкка 467 талапкер катталды. Алардын ичинен 276сы эркек, 191и аял талапкерлер. Эң көп талапкер — №19 округдан (25 адам), ал эми эң аз талапкер — №11 округдан (5 адам) катталды.
Эске салсак, Жогорку Кеңештин мөөнөтүнөн мурдагы шайлоосу 30-ноябрда өтөт. Ар бир округдан үч мандат үчүн талапкерлер ат салышат, жалпысынан 30 округдан 90 депутат шайланып келет.