Кыргыз Республикасынын Мамлекеттик салык кызматы Жогорку Кеңешке талапкерлерге салык мыйзамдарынын нормаларын сактоо зарылдыгын эскертти.
Маалыматка ылайык, талапкерлердин жана саясий партиялардын шайлоо фонддорунан ишенимдүү адамдарга, байкоочуларга, өкүлдөргө же үгүт иштери үчүн кызмат көрсөткөн жарандарга төлөнгөн акчалар киреше салыгына тартылбайт.
Мындан тышкары, шайлоо маалында үгүтчүлөрдүн ишмердүүлүгү патент негизинде салык төлөнүүчү ишмердиктердин тизмесине кирбейт.
Ошондой эле, «Мамлекеттик социалдык камсыздандыруу боюнча тарифтер жөнүндө» мыйзамга ылайык, үгүтчүлөрдүн, байкоочулардын жана ишенимдүү адамдардын алган кирешелери социалдык камсыздандыруу боюнча камсыздандыруу төгүмдөрүнөн бошотулат.
Салык кызматынан билдиргендей, талапкерлер жана шайлоо процессине катышкан тараптар салыктык маселелерде Кыргыз Республикасынын мыйзамдарына таянып иш алып баруусу керек.