Жогорку Кеңеш 2025-жылга карата республикалык бюджетке жана 2026–2027-жылдарга карата бюджеттин долбооруна киргизилген өзгөртүүлөрдү үч окууда бекитти. Бул тууралуу парламенттик комитеттердин биргелешкен жыйынында маалымдалды.
Талкууга Жогорку Кеңештин төрагасы Адылбек Касымалиев баштаган Министрлер кабинетинин өкүлдөрү катышты. Президенттин Жогорку Кеңештеги ыйгарым укуктуу өкүлү Алмасбек Абытовдун өтүнүчү менен депутаттар сунушталган өзгөртүүлөрдү колдошту.
Божомол боюнча, 2026-жылы республикалык бюджеттин жалпы кирешеси 551 млрд 207 млн 156 миң сомду, жалпы чыгымдар 550 млрд 770 млн 757 миң сомду түзүп, 436 млн 398 миң сом профицит күтүлүүдө.
Ал эми 2027-жылы жалпы кирешелер 593 млрд 80 млн 265 миң сом, жалпы чыгымдар 552 млрд 416 млн 622 миң сом болуп, бюджеттин профицити 40 млрд 663 млн 642 миң сом деңгээлинде болжолдонууда.
