Кыргыз Республикасынын Президенти Садыр Жапаров “Кыргыз Республикасынын Жогорку Кеңешинин Регламенти жөнүндө” Кыргыз Республикасынын Мыйзамына өзгөртүүлөрдү киргизүү тууралуу мыйзамга кол койду.
Аталган мыйзам 2025-жылдын 24-декабрында Кыргыз Республикасынын Жогорку Кеңеши тарабынан кабыл алынган.
Маалыматка ылайык, мыйзам Жогорку Кеңештин ишмердүүлүгүн оптималдаштыруу максатында иштелип чыккан.
Кабыл алынган мыйзамда төмөнкү өзгөртүүлөр каралган:
-
Кыргыз Республикасынын Жогорку Кеңешинин Төрагасынын биринчи орун басары кызмат ордун белгилөө;
-
Жогорку Кеңештин комитеттеринин курамына ар бир фракциядан же депутаттык топтон төрттөн ашпаган мүчө кириши;
-
Манжа издери жана/же беттин геометриясы аркылуу таануу функциясы бар электрондук добуш берүү тутумун колдонуу мөөнөтүн 2027-жылдын 1-январынан тартып белгилөө.
Белгилей кетсек, бул өзгөртүүлөр парламенттин ишин натыйжалуу уюштурууга жана чечим кабыл алуу процесстерин модернизациялоого багытталган.
