4–5-февралда Бишкек шаарында Борбор Азия өлкөлөрү менен Америка Кошмо Штаттарынын B5+1 бизнес форуму өтөт. Бул тууралуу Экономика жана коммерция министрлиги маалымдады.
Маалыматка ылайык, иш-чара Министрлер Кабинети тарабынан Эл аралык жеке ишкердик борбору (CIPE) менен биргеликте уюштурулат.
Белгиленгендей, B5+1 бизнес форуму Борбор Азия – АКШ дипломатиялык форматынын алкагындагы негизги бизнес-платформа болуп саналат.
Форумга Борбор Азия өлкөлөрү жана АКШ менен аймактык диалогду өнүктүрүүгө кызыкдар болгон жеке сектордун өкүлдөрү, бизнес-ассоциациялар жана эксперттик коомчулук катышат.
