2026-жылы Кыргызстандын фермерлери мамлекеттик лизинг программаларынын алкагында жалпы суммасы 3,7 млрд сомду түзгөн 1 089 даана айыл чарба техникасын алышты. Бул тууралуу Айыл чарба министрлиги билдирди.
Маалыматка ылайык, техникаларды жаңылоо иши 2011-жылдан бери Айыл Банк жана Элдик Банк аркылуу өкмөт тарабынан ишке ашырылып жаткан жети долбоордун алкагында жүргүзүлүүдө. Айыл чарба өндүрүүчүлөрүнө техника алууга каражат жеңилдетилген 6 пайыз менен 7 жылга берилет. Бул колдоо агрардык тармакты терең модернизациялоого багытталып, чарбаларга өндүрүштүн натыйжалуулугун жогорулатууга жана түшүм жыйноодогу жоготууларды азайтууга мүмкүнчүлүк берет.
Лизинг механизмдери ишке киргенден бери, башкача айтканда 2011-жылдан 2026-жылдын март айына чейин өлкөнүн дыйкандары жалпы 11 378 даана техника сатып алышкан. Бул мезгил аралыгында каржылоонун жалпы көлөмү 32 млрд сомду түздү
