Иран тышкы иштер министри Аббас Аракчи Исламабадга болгон иш сапарынын алкагында согушту токтотуу боюнча Ирандын шарттарын Пакистан тарапка жеткирери күтүлүүдө.
Маалыматка ылайык, Пакистан бул маселеде ортомчу өлкө катары каралып жатат. Аракчинин бул сапары АКШ менен өзөктүк маселе боюнча сүйлөшүүлөргө байланыштуу эмес.
Сүйлөшүүлөрдүн жүрүшүндө тараптар эки өлкө ортосундагы кызматташтыкты, ошондой эле Ормуз кысыгы боюнча жаңы укуктук режимди, репарациялар маселесин, АКШнын деңиз блокадасын токтотуу жана коопсуздук кепилдиктерин талкуулайт. Ирандын тышкы иштер министри акыркы 24 саат ичинде экинчи жолу Исламабадга барып, буга чейин Оманга да сапар жасаган. Ал Пакистан жетекчилиги менен консультацияларды улантууну көздөйт.
Маалыматтарга караганда, сапардын кийинки баскычы катары Аракчи Россияга барууну пландап жатат. Буга чейин ал Пакистандын премьер-министри Шахбаз Шариф жана армиянын башкы командачысы Асим Мунир менен жолугушкан.