Бүгүн Бишкек шаарында жаңы “Манас” маданий борборунун курулушуна мезгил кутучасы салынып, долбоорго расмий старт берилди.
Иш-чарага президенттин Иш башкармалыгынын башчысы Каныбек Туманбаев катышты.
Жаңы комплекс:
- жалпы аянты 6681 чарчы метрди түзөт;
- курулуш үчүн 2 гектар жер тилкеси бөлүнгөн.
“Манас” маданий борбору улуттук маданиятты өнүктүрүү, тарыхый мурастарды сактоо жана ар кандай иш-чараларды өткөрүү үчүн заманбап шарттарды түзүүгө багытталган.
Долбоорго ылайык, курулуш иштерин 2027-жылдын экинчи кварталында аяктоо пландалууда. Борбор толугу менен өзүн-өзү каржылаган маданий комплекс болуп, чыгымдарын өз кирешесинин эсебинен жабат.
