Кыргызстандын Энергетика министрлиги 2026-жылдын 1-майынан тарта электр энергиясынын тарифтерин жаңылайт. Бул чечим 2025–2030-жылдарга карата орто мөөнөттүү тарифтик саясаттын алкагында ишке ашырылат. Белгиленген баалар салыктарды эске албастан көрсөтүлгөн.
Калк үчүн тарифтер
Турмуш-тиричилик керектөөчүлөр үчүн 1 кВт/саатка төмөнкүдөй тарифтер белгиленди:
- айына 700 кВт/саатка чейин — 1,64 сом;
- 700 кВт/сааттан жогору — 2,94 сом;
- бийик тоолуу жана алыскы аймактардын тургундары — 1,64 сом;
- “үй-бүлөгө көмөк” жөлөк пулун алган аз камсыз үй-бүлөлөр:
- 700 кВт/саатка чейин — 0,50 сом;
- андан жогору — 2,94 сом;
- “чектөөсүз” тарифи менен керектөөчүлөр — 4,17 сом.
Бизнес жана мамлекеттик сектор үчүн тарифтер
Турмуш-тиричилик эмес керектөөчүлөр үчүн 1 кВт/саатка баалар төмөнкүдөй:
- социалдык жана коомдук керектөөчүлөр — 2,96 сом;
- өнөр жай ишканалары — 3,65 сом;
- коммерциялык керектөөчүлөр — 4,33 сом;
- бюджеттик уюмдар — 4,62 сом;
- электр унааларын кубаттоо станциялары — 5,99 сом;
- энергияны көп керектеген ишканалар — 6,84 сом.
Жалал-Абад облусу үчүн өзгөчө шарттар
Токтогул району, Кара-Көл шаарындагы Жазы-Кечүү айылы жана жергиликтүү насос станциялары үчүн өзүнчө тарифтик тартип каралган:
- алгачкы 150 кВт/саат — электр энергиясынын өздүк наркы боюнча;
- 150дөн 700 кВт/саатка чейин — 1,64 сом;
- 700 кВт/сааттан жогору — 2,94 сом;
- аз камсыз үй-бүлөлөр үчүн 150–700 кВт/саат аралыгында — 0,50 сом.
Мындан тышкары, насос станциялары электр энергиясын өздүк нарк боюнча пайдаланышат.
