Кыргыз Республикасынын Эмгек кодексине ылайык, кызматкерлерге жыл сайын узактыгы 28 календардык күн болгон төлөнүүчү эмгек өргүүсү берилет.
Биринчи иш жылы үчүн өргүү алуу укугу кызматкер бир иш берүүчүдө 11 ай үзгүлтүксүз иштегенден кийин пайда болот.
Эмгек өргүүсүн берүү тартиби жыл сайын түзүлгөн өргүү графигинин негизинде аныкталат. Бул график кызматкерлердин өкүлчүлүк органы менен макулдашылып, иш берүүчү тарабынан календардык жыл башталганга чейин эки жумадан кечиктирбестен бекитилет. Өргүү графиги иш берүүчү үчүн да, кызматкер үчүн да милдеттүү болуп саналат.
Ошондой эле мыйзамга ылайык, тараптардын макулдашуусу менен жылдык төлөнүүчү эмгек өргүүсү бөлүктөргө бөлүнүшү мүмкүн. Бирок анын бир бөлүгү кеминде 14 календардык күн болушу зарыл.
