Бишкек жашыл курулуш муниципалдык ишканасы шаарда гүл отургузуу иштерин баштады.
Муниципалитеттин маалыматына ылайык, быйыл борбор калаада 2 миллион даана бир жылдык гүлдөр отургузулат. Жашылдандыруу иштеринде тагетс, сальвия, агератум, катарантус, георгиндер, петуниялар жана колеус сыяктуу кооз өсүмдүктөр колдонулат. Гүл композициялары борбордук көчөлөрдү, парктарды, скверлерди жана шаардагы гүлзарларды кооздоп, Бишкекке заманбап жана көрктүү көрүнүш берет.
Иштер шаардын төрт административдик районунда бир убакта жүргүзүлүп, адистер коомдук жайларды көрктөндүрүү иштерин активдүү улантууда.
Ишкана шаар тургундарын жана конокторун отургузулган гүлдөргө аяр мамиле кылууга, гүлзарларды тебелебөөгө жана үзбөөгө чакырып, шаарды көрктөндүрүүгө салым кошуп жаткан адистердин эмгегин урматтоону суранды.
