Транспорт каражаттарын жана айдоочулук курамды каттоо боюнча мамлекеттик агенттик унаага тагууга тыюу салынган номерлер кайсылар экенин эске салды.
Агенттик белгилегендей, буга чейин мамлекеттик номерлерге жазууга болбой турган сөздөрдүн, тамгалардын айкалышынын тизмеси бекитилген. Аларга мамлекеттик органдардын, коңшу мамлекеттердин, эл аралык уюмдардын аттарынын аббревиатуралары, уят же терс каймана мааниси бар, криминалдык чөйрөгө тиешелүү сөздөр кирген.
Унаанын номерине тагууга болбой турган номерлер: MVD, MBD, MWD, MID, AKS, AKC, SNB, KGB, FBI, GNS, GTS, IIM, OBD, OVD, UBD, OWD, UVD, UWD, TJK, UZB, KHP, KAZ, GEI, HUY, HER, HUI, HYI, KOT, LOH, LOX, SEX, XEP, XUI, XUI, XYI, XYN, AUE, BOP, OPG, VOR, WOR, ZEK, ZLO.
Агенттик буга чейин сатылган аталган жазуулары бар номерлерди ээсинен алып коюуга алардын укугу жок экенин белгиледи. Ошол эле учурда номердин ээси аны өз эрки менен тапшыра алат. Ал учурда ага номерге төлөгөн акчасы толугу менен кайтарылат.
Ошондой эле аталган номерлер тагылган унаа ээлери жол милициясынын кызматкерлерине кармалса, номерди алмаштыртуу үчүн унаасы айып короого коюлат.