Министрлер Кабинетинин төрагасынын орун басарлары Кыргызстандын аймактарын кыдырып, эл менен жолугушууларды өткөрөт. Талас облусуна МинКабдын төрагасынын биринчи орун басары Адылбек Касымалиев барат.
Алдыда Талас облусундагы белгиленген жолугушуунун өтө турган дареги жана убактысы боюнча маалымат сунушталат:
— Талас шаары, Талас жана Бакай-Ата райондору боюнча жолугушуу 1-августта саат 10:00дө Талас шаарындагы К.Медетбеков атындагы облустук музыкалык драма театрында өтөт;
— Айтматов жана Манас райондору боюнча жолугушуу 1-августта саат 15:00дө Айтматов районунун Кызыл-Адыр айылындагы “Семетей” кинотеатрында болот.