Кырсык Элдик-республикалык партиянын шайлоодогу жеңишин майрамдап жаткан учурда болгон. Соцтармакта тараган видеодон бир топ киши чыгып алган балкон урап түшкөнүн көрүүгө болот.
Партия кырсыкта бөлүм башчысынын орун басары Мехмет Палаз ооруканага жеткирилип, тилекке каршы, ал жактан каза болгонун билдирди. Мындан сырткары, 18 киши жабыркаган.
Түркияда жекшемби күнү жергиликтүү бийликке шайлоо өттү. Анда оппозициялык Элдик-республикалык партиясы акыркы 20 жылда алгачкы ирет бийликтин Адилеттик жана өнүгүү партиясынан ашып өткөн.