Бүгүн Улуттук коопсуздук мамлекеттик комитетинин төрагасы Камчыбек Ташиев атайын кызматтын мурдагы төрагалары, ошондой эле генерал наамындагы экс орун басарлары менен жолугушту.
Жолугушууга экс-төрагалар, генерал наамындагы мурунку орун басарлар чакырылган. Алардын арасында Таштемир Айтбаев, Феликс Кулов, Бусурманкул Табалдиев, Шамил Атаханов, Болот Жанузаков, Турдубек Алмаматов, Мирослав Ниязов жана башкалар бар.
Ташиев ардагерлерге күбөлүк тапшырып, өлкөнүн коопсуздугун жана мамлекеттеги туруктуулукту камсыз кылуу боюнча көрүлүп жаткан чаралар боюнча айтып берген.
Ардагерлер коопсуздук жаатында жасалып жаткан иштерге колдоо көрсөтөрүн белгилешкен.