Баткенде чек арачыларга бир катар обьектилер курулуп, аны тапшыруу аземине Камчыбек Ташиев катышты.
УКМК жаңы ачылган объектилерди тизмектеди:
2022 аскер бөлүгүнө бардык шарты менен жаңы штаб жана казарман курулган.
Аскер кызматкерлерине 32 батирдин ачкычы тапшырылган (былтыр 48 батир берилген). Дагы 60 батирлүү көп кабаттуу үй салынууда. Ташиев аны жыл аягына чейин бүтүрүүнү тапшырган.
Чек ара кызматынын ”Бөрү” атайын багыттагы отрядына бардык шарты менен аскер бөлүк салынган.
Ташиев ЕККУнун өкүлдөрү менен бирге чек ара коопсуздугун камсыздоого керек болгон каражаттар менен таанышып чыккан. Уюм менен кызматташуунун алкагында чек арачыларга унаалар тапшырылган.
Чек арачылар үчүн жаңы ашкана да салынган.