Бүгүн республиканын көпчүлүк аймактарында өткүн өтүп, күн күркүрөп, бийик тоолуу райондорго кар жаайт, бирок ойдуңдарда күндүн ысыгы 36 градуска чейин чыгат.
Абанын температурасы Чүйдө +29…+34, Талас аймагында +26…+31, Ош, Жалал-Абад облустарында +31…+36, Баткен өрөөнүндө +30…+35, Ысык-Көл жергесинде +21…+26, Нарында +22…+27 градус болот.
Борбор калаада жана Ош шаарында күн күркүрөп, мезгил-мезгили менен жамгыр жаайт. Бирок аптап баарын бир өз өкүмүн жүргүзөт. Бишкекте +31…+33, Ош шаарында +33…+36, Чолпон-Атада +22…+24 градус болот.