Раззаков шаарынын мал базары сыртка көчүрүлдү. Бул тууралуу мэриядан билдиришти.
Маалыматта белгиленгендей, 29-августта Раззаков шаарынын Топ-Терек аймагындагы жаңыдан курулган муниципалдык мал базар пайдаланууга берилет.
Мал базар ар жуманын шаршемби күнү саат 15:00дөн баштап бейшемби күнү күнү саат 15:00гө чейин иштейт. Жаңы базар бир ай бою акысыз иш алып барат. Ал эми 3-октябрдан тартып кирген мал-жандыктар үчүн төлөм алынат.
Раззаков шаарынын муниципалдык мал базарына баруу үчүн атайын Лейлек автобекетинен ар жуманын шаршемби жана бейшемби күндөрү түз каттамдар жүргүзүлөрү айтылды.
Ошондой эле мэрия автоунаа жана чөп сатуучу базарлар толугу менен шаардын сыртына чыгарылып жатканын кошумчалады.