Өлкө башчысы Садыр Жапаров бүгүн, 23-октябрда, XVI БРИКС саммитинин мамлекет башчыларынын жыйынына катышуу үчүн иш сапары менен Татарстандын Казань шаарына жөнөп кетти.
Кыргыз Республикасынын расмий делегациясынын курамындагылар:
— президенттин администрациясынын тышкы саясат бөлүмүнүн башчысы Муратбек Азымбакиев;
— тышкы иштер министри Жээнбек Кулубаев;
— Кыргызстандын Россиядагы элчиси Кубанычбек Бөкөнтаев.
Саммиттин жүрүшүндө көп тараптуулукту бекемдөөгө, бирикменин жаңы мүчөлөрүн интеграциялоого багытталган маанилүү чечимдер кабыл алынат.