Кыргыз-Түрк “Манас” университети Кара-Кыргыз автономиялуу облусунун түзүлгөндүгүнүн 100 жылдыгына, 7-8-ноябрь Тарых жана ата-бабаларды эскерүү күндөрүнө карата 12-ноябрда “Ата-Бейит” улуттук тарыхый-мемориалдык комплексинде эскерүү иш-чарасын уюштурду.
Уюштурулган эскерүү иш-чарасы сезимтал жана көркөм атмосферада өткөрүлдү.
Катышуучулар “Ата-Бейит” эстелигин көздөй кыргыз жана түрк желектери,
репрессия курмандыктарынын сүрөттөрү жана тарыхый аң-сезимге басым жасаган транспаранттардын коштоосунда басышты.
“Тамыры терең байланыштар — келечегибиздин кепилдиги”
Бул маанилүү жүрүш кыргыз-түрк боордоштугун жана достугун көрсөтүү менен гана чектелбей, ошол эле учурда эки өлкөнүн орток баалуулуктарына карата байланыштарын бекемдеди.
Жөө жүрүштөн кийин 1938-жылдагы репрессия курмандыктарынын жана Чыңгыз Айтматовдун мүрзөсүнө гүлчамбарлар коюлду. “Манас” университетинин үй-бүлөсү куран окуп, курман болгон баатырларыбызды урматтоо менен эскерди.
