Бишкекте «Пенитенциардык мекемелерде экстремизмдин пайда болушу жана жайылышынын алдын алуу, террористтик мүнөздөгү кылмыштар үчүн соттолгондорду дерадикалдаштыруу жана ресоциалдаштыруунун актуалдуу маселелери: эл аралык тажрыйба жана инновациялык мамилелер» аталышындагы аймактык илимий-практикалык конференция өтүүдө.
Конференцияны юстиция министри Аяз Баетов ачып, бүгүнкү күндө түзөтүү тутумдарында экстремисттик багыттагы терс аракеттерге каршы күрөшүү Кыргызстанда гана эмес аймактагы көйгөйлүү маселе экендигин белгиледи.
Иш-чарага Өзбекстан, Тажикстан жана Казакстандан келген тиешелүү адистер, министрликтин жана Жазаларды аткаруу кызматынын өкүлдөрү катышып, доклад жасоодо.
Белгилей кетсек, иш-чара Юстиция министрлигине караштуу Жазаларды аткаруу кызматы тарабынан БУУнун Баңгизаттар жана кылмыштуулук боюнча башкармалыгы менен биргеликте уюштурулган.