Бишкекте алыш бел боо күрөшү боюнча эл аралык турнир өтөт. Бул тууралуу Дене тарбия жана спорт департаменти билдирет.
Баяман Эркинбаевдин жаркын элесине арналган мелдеш 28-29-апрель күндөрү Каба уулу Кожомкул атындагы спорт сарайында өтөт. Ага Кыргызстан, Өзбекстан, Казакстан, Индия, Түрменстан, Нидерланд жана Афганистан өлкөлөрүнөн келген 120дөн ашык спортчу катышат.
Жалпы байге фонду 1 млн сомду түзөт.
Катышуучулар төмөнкү салмакта күч сынашат:
• Эркектер арасында (класикалык жана эркин стиль): 60, 70, 80, 90, 100, +100 кг.
• Кыз-келиндер арасында (эркин стиль): 55, 60, 65, 70, 75, +75 кг.