Кыргызстан менен Өзбекстандын мамлекеттик чек арасында жер титиреди. Бул тууралуу Өзгөчө кырдаалдар министрлиги Сейсмология институтунун маалыматына таянып билдирди.
Ага ылайык, бүгүн саат 12:44тө эки өлкөнүн чектешкен аймагында очогунда күчү 4 баллга жеткен жер титирөө катталган.
Жердин силкинүүсү Аксы районунун Жерге-Тал, Кызыл-Капчыгай айылдарында 4 балл, Боспиек, Кулук-Дөбө, Мукур айылдарында 3,5 баллга чейин сезилген.
Алдын ала маалымат боюнча, жабыркагандар жана кыйроолор катталган жок.