Катарлык дарыгерлер Бишкекте 24-октябрдан тартып балдардын кулагына акысыз операция жасашат.
Бул операцияга эки кулагы тең укпаган, кулактын ички бөлүгүнүн жабыркашынан улам эки кулагы тең укпай калган жана кулагы угуп төрөлүп, кийинчерээк укпай калган беш жашка чейинки балдар кабыл алынат.
Анын алдында балдар комплекстүү текшерүүдөн, медициналык комиссиядан өтүшү керек.
Бейтаптар Эне жана баланын коргоо улуттук борборунун 8-корпусунун 1-кабатындагы ЛОР-дарыгерге келип катталса болот.