Жогорку Кеңештин мурдагы депутаты Равшан Жээнбековдун жер тилкеси мамлекеттин пайдасына кайтарылды. Бул тууралуу УКМК басма сөз кызматы билдирди.
Талас облусунун Киров суу сактагычынын жээгинде жайгашкан жалпы аянты 4 гектар болгон «Эдельвейс-Тур» эс алуу жайы мамлекетке ыктыярдуу түрдө кайтарылды.
Баалоо экспертизасынын корутундусуна ылайык бул эс алуу жайынын баасы 16 млн. 871 миң сомду түзөт.
«Аталган жер тилкеси 2000-жылдардын аралыгында КР Мамлекеттик мүлктү башкаруу боюнча фондунун жетекчиси болуп турган Равшан Жээнбеков менен аффилирленген жактарга мыйзамсыз берилгени аныкталган», — деп айтылат маалыматта.