БШКга Баткен жана Кара-Суу бир мандаттуу шайлоо округу боюнча ЖКнын жетинчи чакырылышынын депутаттарын мөөнөтүнөн мурда шайлоого катышууга талапкерлерден арыздар түшүүдө. Бул тууралуу БШКнын басма сөз кызматы билдирди.
Өзүн-өзү көрсөтүү тартибинде бир мандаттуу Кара-Суу шайлоо округу боюнча талапкер 1985-жылы туулган Ажимаматов Сталбек Асановичтен арыз түшкөн. Ал «Евразия Строй Групп»ЖЧКсынын директору.
Ушул эле шайлоо округу боюнча экинчи талапкер 1984-жылы туулган Орунбаев Турдубек Дүйшөнович арыз берди. Ал жеке ишкер.