Ормон ханга таандык кылыч табылганы тууралуу кабарланды.
Хан кылычы табылганын тарыхчы Рыскул Жолдошов маалымдады. Табылган кылыч Ормон ханга таандык болушу ыктымал деген гипотезасын билдирди. Себеби кылычтын бетиндеги оймонун ичинде араб тамгасы менен араб тилинде жогорудан төмөн карай чегилген жазуу бар . Анын кыргызча котормосу: «Өкүмдар Ормон Ниязбек уулу, манап, Шариптин эмгеги, 1258- (1842) жыл» деп жазылган.
Албетте, чын эле Ормон ханга таандык экени аныкталса тарыхый таберик, баалуу эстелик. Абдан кылдат изилденип, даана аныкталып, өзүбүзгө алышыбыз абзел. Бирок абдан этияттык менен, ошол эле учурда тез арада тактоо зарыл. Кийин кай бирөөнүн кылычын кыргыздар биздин хандыкы деп керегеге илип алып, сыйынып жүрүшөт деген кепке калбашыбыз керек.