Ошто таштандыны кайра иштетип, энергия чыгара турган завод куруу пландалууда.
Ош шаарынын мэри Бакытбек Жетигенов кытайлык инвесторлор менен жолугушту. Анда тараптар таштандыларды күйгүзүү аркылуу электр энергиясын өндүрүү үчүн заманбап ишкананы куруу боюнча инвестициялык долбоорду талкуулашты. Аталган долбоор ишке ашса кыш мезгилинде Ош шаарынын тургундарын ысык суу жана жылуулук менен камсыз кылуу мүмкүнчүлүктөрү кеңейтилип, шаардын экологиялык абалын жакшыртууга шарт түзүлмөкчү.
Заводдун долбооруна ылайык, күнүнө 2000 тонна таштанды жана көмүрдү иштетип, 50 мегаваттка чейин энергия чыгара алары кошумчаланды.