Бишкекте “Манас” эпикалык улуттук театрынын жаңы имаратынын курулушу аяктап калды.
Белгилей кетсек, имараттын курулушу 2022-жылдын жайында башталган.
Эки кабаттуу объекттин жалпы аянты 1 миң 600 чарчы метрди түзөт. Имаратта театрдын чыгармачыл жамаатынын ынгайлуулугу үчүн зарыл болгон нерселердин баары бар: кенен чечинүүчү бөлмөлөр жана 305 орундуу концерттик зал.
Долбоордун сметалык баасы 65 миллион сомду түзгөн. Мындан тышкары, Маданият, маалымат, спорт жана жаштар саясатынын министри Алтынбек Максутов кошумча 22 млн. сом бөлгөн.
Театрдын директору Азиз Биймырза уулунун айтымында, жаңы имараттын ачылышы быйыл жазында президент Садыр Жапаровдун катышуусунда болот.
«Учурда артисттер репертуарларын даярдап жатышат», — деди ал.