Индонезиянын Калемпанг кыштагында беш метрлик питон 50 жаштагы аялды бүкүлү бойдон жутуп алган.
4 балалуу Фарида аттуу аял 6-июнь күнү дайынсыз жоголгон. Ал токой аркылуу өткөн базарга азык-түлүк сатуу үчүн чыгып кеткен. Аялдын жолдошу тынчсызданып, кечинде башка тургундарга кабар берип, издөө башталган.
Кийинки күнү алар токойдон ичи чоң беш метрлик питонду табышкан. Аялдын жолдошу башка тургундар менен чогуу питондун ичин жарып, андан аялын тапкан.
«Аялымды жалгыз жөнөткөнүмө өмүр бою өкүнөм. Мен ошол күнү чогуу болгонумда жылан ага тиймек эмес», — деген жолдошу.