Кыргызстан менен Европа реконструкциялоо жана өнүктүрүү банкы 2025-жылга карата 150 млн евро суммасындагы долбоорлор портфелин иштеп чыгууну улантууну макулдашты. Бул тууралуу күн мурун экономика жана коммерция министри Данияр Амангелдиев менен ЕРӨБдүн башкаруучу директору Хусейн Озхандын жолугушуусунда белгилүү болду.
Ведомстводон маалымдашкандай, тараптар Кыргызстанды туруктуу өнүктүрүүгө багытталган биргелешкен долбоорлор боюнча активдүү иштөөгө даярдыгын билдиришти.
Данияр Амангелдиев ЕРӨБгө Кыргызстандагы негизги долбоорлорду ишке ашырууда көп жылдык колдоосу үчүн ыраазычылык билдирип, Хусейн Озханды ЕРӨБдүн башкаруучу директору болуп дайындалышы менен куттуктады.
Өз кезегинде Хусейн Озхан Кыргызстандагы жетишкендиктерге жогору баа берип, ЕРӨБдүн кызматташтыкты кеңейтүүгө даярдыгын тастыктады