Садыр Жапаров Караколдогу жаңыланып оңдолгон аскер бөлүгүнө барып, чек арачыларга 30 жол тандабас тапшырды.
Чек ара кызматынын 1962-жылы түптөлгөн Кыдыр Байсары уулу аке атындагы №2028 аскер бөлүгү буга чейин бир да жолу оңдолгон эмес. Быйыл жазында өлкө башчы ал жакты оңдоп-түзөөнү тапшырганын айтып, чек ара коопсуздугун чыңдоого артыкчылык берилип жатканын белгилеген.
Президент чек арачыларга 50 млн сомдон ашык акчага алынган JAC үлгүсүндөгү жол тандабастарды тапшырды. Жарым жыл мурда ушундай эле үлгүдөгү 25 автоунаа берилген.
Садыр Жапаров жаңыланган бөлүктүн инфраструктурасы менен таанышып, капиталдык оңдоодон өткөн имараттарды, аскер кызматкерлеринин жашоо шарттарын, ошондой эле материалдык-техникалык базасын көрүп чыкты.