Ысык-Көлдө 73 жаштагы атасын сабап, жамбаш сөөгүн сындырган деп шектелип уулу кармалды. Бул тууралуу облустук милициядан билдиришти.
Милициянын маалымат боюча, окуя 17-декабрда болгон. Аларга Чолпон-Атанын тургуну арыз менен кайрылып, 46 жаштагы уулу (М.Р.) мас болуп алып үйүндөгүлөрдү коркутуп, сөгүп, аны сабаганын билдирген.
Ошол эле күнү карыя ооруканага кайрылып, ага «сол жамбаш сөөгүнүн жабык сынышы» деген алдын ала диагноз коюлган.
Териштирү иштери учурунда карыянын уулу 2022-жылы үй-бүлөлүк зомбулук фактысы боюнча Укук бузуулар кодексине ылайык эки жолу жазага тартылган.
Аталган жаранга Кылмыш-жаза кодексинин 177-беренеси (үй-бүлөлүк зомбулук) менен кылмыш иши козголуп, ал убактылуу кармоочу жайга камакка алынган.