Токтогул суу сактагычында суунун көлөмү 8,1 млрд. куб метрге жетти

Токтогул суу сактагычындагы суунун көлөмү бүгүн, 13-майда 8 млрд. 157 млн. куб метрге жетти.

“Электр станциялар” ачык акционердик коомунун маалыматы боюнча, секундасына суунун агып кириши 1322 куб метрди, ал эми суунун чыгымы 87 куб метрди түздү.

Белгилей кетсек, май айынын башында суунун деңгээли 7 млрд. 726 млн. куб метр болчу.