Министрлер Кабинетинин төрагасынын орун басарлары Кыргызстандын аймактарын кыдырып, эл менен жолугушууларды өткөрөт. Чүй, Нарын, Ысык-Көл, Талас облустарына МинКабдын төрагасынын биринчи орун басары Адылбек Касымалиев барат.
Алдыда Чүй облусундагы белгиленген жолугушуулардын өтө турган дареги жана убактысы боюнча маалымат сунушталат:
— Кемин району боюнча жолугушуу 19-августта саат 10:00дө Кемин шаардык маданият үйүндө болот;
— Токмок шаары, Чүй району боюнча жолугушуу 19-августта саат 15:00дө Токмок шаардык мэриясынын жыйындар залында өтөт;
— Ысык-Ата району боюнча жолугушуу 20-августта саат 10:00дө Кант шаардык маданият үйүндө уюштурулат;
— Аламүдүн району боюнча жолугушуу 20-августта саат 15:00дө Аламүдүн райондук мамлекеттик администрациясынын жыйындар залында өтөт;
— Сокулук району боюнча жолугушуу 21-августта 10:00дө Шопоков шаардык маданият үйүндө өтөт;
— Москва району боюнча жолугушуу 21-августта 15:00дө Москва райондук мамлекеттик администрациясынын жыйындар залында болот;
— Жайыл району, Кара-Балта шаары боюнча жолугушуу 22-августта саат 10:00дө Кара-Балта шаардык маданият үйүндө өтөт;
— Панфилов району боюнча жолугушуу 22-августта 15:00дө Панфилов райондук мамлекеттик администрациясынын жыйындар залында башталат;
— Бишкек шаары боюнча жолугушуу 2-августта А.Малдыбаев атындагы Кыргыз улуттук опера жана балет театрында саат 10:00гө белгиленди.
Нарын облусу боюнча уюштурула турган жолугушуунун даректери жана убактысы:
— Кочкор районундагы жолугушуу 5-августта Ж.Абдыкалыков атындагы райондук маданият үйүндө 10:00дө өтөт;
— Жумгал району боюнча жолугушуу 5-августта Чаек айылындагы “Соң-Көл” кинотеатрында 15:00дө башталат;
— Нарын шаары жана Нарын району боюнча жолугушуу 6-августта Нарын шаарындагы облустук драма театрында 10:00дө болот;
— Ат-Башы району боюнча жолугушуу 6-августта 15:00дө “Чатыр-Көл” кинотеатрында өтөт;
— Ак-Талаа району боюнча жолугушуу 7-августта 10:00дө Баетов айылындагы райондук маданият үйүндө уюштурулат;
— Тогуз-Торо району боюнча жолугушуу 8-августта 10:00дө райондук маданият үйүндө өтөт.
Ысык-Көл облусу боюнча өтө турган жолугушуулардын дареги жана убактысы:
— Балыкчы шаары боюнча жолугушуу 9-августта саат 10:00дө Э.Дубанаев атындагы маданият үйүнүн жыйындар залында өтөт;
— Ысык-Көл району боюнча жолугушуу 9-августта саат 15:00дө Бактуу-Долоноту айылындагы дене тарбия жана ден соолукту чыңдоо комплексинин жыйындар залында болот;
— Түп району боюнча жолугушуу 12-августта Түп айылындагы Х.Карасаев атындагы маданият үйүнүн жыйындар залында саат 10:00дө башталат;
— Каракол шаары, Ак-Суу району боюнча жолугушуу 12-августта саат 15:00дө Каракол шаарындагы облустук музыкалык драма театрынын жыйындар залында өтөт;
— Жети-Өгүз району боюнча жолугушуу 13-августта Кызыл-Суу айылындагы маданият үйүнүн жыйындар залында саат 10:00дө уюштурулат;
— Тоң району боюнча жолугушуу 13-августта саат 15:00дө Тоң райондук мамлекеттик администрациясынын жыйындар залында өтөт.