Улуттук онкология жана гематология борбору «Чек арасыз дарыгерлер» уюму менен биргеликте Кыргызстанда онкологиялык ооруларды диагностикалоо ыкмаларын жакшыртат.
Улуттук онкология жана гематология борбору жана И.Ахунбаев атындагы Кыргыз мамлекеттик медициналык академиясынын радиология бөлүмү «Чек арасыз дарыгерлер» уюму менен биргеликте маммография, сүт бездерин Ультра үндүү изилдөө жана аны менен биопсия жасоо тармагында квалификацияны жогорулатууга багытталган бир катар окуу мастер-класстарын өткөрүүдө. Мындай мастер-класстар өлкөдө биринчи жолу өтүп жатат жана «Чек арасыз дарыгерлер» уюмунун сүт бездеринин рагын эрте аныктоо жаатындагы аракеттерди колдоонун бир бөлүгү болуп саналат.