Швейцария Кыргызстандын саламаттык сактоо уюмдарына 43 миллион сомдон ашык суммага компьютердик жабдууларды берди.
Бүгүн, 12-мартта Швейцариянын Кыргыз Республикасындагы элчиси Оливье Бангертер Үй-бүлөлүк дарыгерлер топторун техникалык жактан жабдууну колдоо максатында Саламаттык сактоо министри Алымкадыр Бейшеналиевге 320 компьютер тапшырды.
Бул IT-жабдуулар Кыргызстандагы 228 баштапкы саламаттык сактоо уюмдарына өткөрүлүп берилет.
Жабдуулар «Кыргызстанда жугуштуу эмес ооруларды эффективдүү башкаруу жана алдын алуу» швейцариялык долбоору аркылуу электрондук саламаттыкты сактоону чыңдоо үчүн берилди.