Дастан Али Шаршеев Таиланддык мушкерди нокаут менен утту

Кыргызстандык спортчу Дастан Али Шаршеев Таиландда өткөн тайбоксу боюнча эл аралык мелдеште жеңишке жетти. Мелдеш 4-июнда Таиланддын Самуи аралында болду. Шаршеев таиланддык Санти Паб аттуу спортчуну үчүнчү раундда нокаутка узатып жеңип алды.

Ал 27-июнда өтө турган TNA эрежеси боюнча дүйнө чемпиондугунун алкагында орусиялык Антон Калинин менен боло турган матч-реваншка даярданып жатат. Бул таймаш Татарстандын борбору Казан шаарында болот.