11-13-декабрда Министрлер Кабинетинин төрагасы Акылбек Жапаров жумуш сапары менен Россиянын Москва шаарына барат.
Министрлер Кабинетинин төрагасы Акылбек Жапаров жумуш сапарынын алкагында Көз карандысыз Мамлекеттер Шериктештигинин Өкмөт башчыларынын кеңешинин жана Евразия өкмөттөр аралык кеңешинин жыйындарына катышат.
Евразия өкмөттөр аралык кеңешинин жыйынында өнөр жай тармактарындагы биргелешкен кызматташуу долбоорлоруна каржылык жардам көрсөтүү, газ, мунай жана мунай продуктуларынын жалпы рынокторун түзүү, Евразия экономикалык биримдигинин алкагында электрондук сооданы өнүктүрүү жаатындагы маселелер каралат. Жыйындын соңунда бир катар документтерге кол коюлат.