Президент өкмөт башчы Акылбек Жапаров эмне себептен кызматтан алынганын билдирди.
Садыр Жапаров Акылбек Үсөнбековичтин кызматтан кетишин ашыкча саясатташтыруунун кажети жок экенин белгиледи.
“Өлкө бюджетин түзүүчү салык системасындагы оркойгон терс көрүнүштөр баарыбызды кейитти. Маселен, акциз маркаларына байланышкан махинациялар ашкереленип жатат. Белгилүү болгондой бул тармак Акылбек Үсөнбековичтин түзмө-түз көзөмөлүндө болчу, демек салык системасындагы мыйзамсыз аракеттери мурдатан эле токтотуп калуу мүмкүн эле. Мыйзамсыз иш аракеттеринен улам Салык кызматынын жогорку жетекчилигинин кармалышы боюнча окуя азырынча тергелип жаткандыктан бул жерде жеке кызыкчылыктардын кагылышына жол бербөө үчүн аны кызматтан четтетүгө мажбур болдум”, — деди өлкө башчы.