Жогорку Кеңештин депутаттары Кыргызстандын Россиядагы элчилигинин ишмердүүлүгү менен таанышты.
Жогорку Кеңештин Улан Примов баштаган бир катар депутаттары Москвада кыргыз жарандары менен жолугушуу өткөрүп, миграция, жарандарды ишке орноштуруу, жана башка ар кандай маселелер боюнча жарандардын кайрылууларын укту.
Жолугушуунун жыйынтыгында элчи Кубанычбек Бөкөнтаевдин, тышкы иштер министринин орун басары Алмаз Имангазиевдин жана эмгек, социалдык камсыздоо жана миграция министринин орун басары Бакыт Дарманкул уулунун катышуусу менен Жогорку Кеңештин Эл аралык иштер, коргоо, коопсуздук жана миграция боюнча комитетинин отуруму өткөрүлдү.
Алар Мамлекеттик Дума тарабынан кабыл алынган РФ миграциялык саясатын катаалдаштырууга багытталган мыйзамдарынын кыргыз жарандарына тийгизген таасирине байланыштуу маселелерди талкуулашты.
Депутаттар элчиликке Кыргызстандын жарандарынын укуктарын коргоо иштерин күчөтүү боюнча тийиштүү тапшырмаларды беришти.