Президент Садыр Жапаров 21-апрелде Бахрейндин королу Хамад бин Иса Аль Халифанын чакыруусу боюнча Бахрейн Королдугуна расмий сапары менен барды. Бул тууралуу Президенттик Администрациядан билдиришти.
«Жолугушуулардын жүрүшүндө тараптар кыргыз-бахрейн өз ара кызматташтыгын эки жакты кызыктырган бардык чөйрөлөрдө, анын ичинде соода-экономикалык, маданий-гуманитардык жана башка өз ара аракеттенүүнү өнүктүрүү жана кеңейтүү боюнча актуалдуу маселелерди талкуулашат», — деп жазылат маалыматта.
Жапаровдун учагы Манама шаарындагы «Бахрейн» эл аралык аэропортуна конду. Аны Бахрейн Королдугунун тышкы иштер министри Абдуллатиф бин Рашид Альзаяни жана башка расмий өкүлдөр тосуп алышты.
