Кыргызстан менен Тажикстандын ортосундагы аба каттамдары жанданды. Бул тууралуу президент Садыр Жапаров кыргыз-тажик чек арасы боюнча келишимге кол койгондон кийинки билдирүүсүндө билдирди.
«Аба каттамдары кайра жанданганын канааттануу менен белгилегим келет жана автобус каттамдары жакында жанданып, жарандарыбыз бири-бири менен байланыша башташат деп ишенем»
, — деди Жапаров.
Эске сала кетсек, 2021-жылдын жазында чек арадагы жаңжалдан кийин Кыргыз Республикасынын Өкмөтү Тажикстандын жарандары үчүн Кыргызстандын аймагына кирүү/чыгуу, жүрүү жана транзиттик өтүүсүнө чектөөлөрдү киргизген.