АКШнын президенти Дональд Трамп Европа Биримдигинен келген товарларга 50% бажы төлөмүн киргизүү чечимин 9-июлга чейин токтотту. Бул тууралуу ал Truth Social тармагындагы баракчасына жазды.
Анын айтымында, бул чечим Европа комиссиясынын төрайымы Урсула фон дер Ляйен менен болгон телефон сүйлөшүүдөн кийин кабыл алынган. Фон дер Ляйен да Х социалдык тармагында сүйлөшүүнү «жакшы» деп баалап, тараптарда макулдашууга жетиш үчүн убакыт бар экенин белгиледи.
Буга чейин Трамп 1-июндан тарта Европа товарларына 50% тариф киргизерин жарыялаган.