Франциянын президенти Эммануэль Макронду жубайы Брижит Макрон жаакка чаап жиберген видео тарган.
Франциялык BFM RMC басылмасы видеонун аныктыгын Елисей сарайы тастыктаганын билдирген. Алар тепкичтен түшүп баратканда Макрондун жубайы ага колун сунуудан баш тартканы да белгиленген.
«Президенттин жакын досу жубайлардын ортосундагы анча-мынча чыр-чатак болуп кеткенин айтты»,- деп жазган француз маалымат каражаттары.
Макрон өзү бул боюнча комментарий берди. «Жубайым менен тамашалашып жатканбыз. Бул геопланетарлык катастрофа болгондой болду», — деди ал.