Бишкек шаардык кеңеши 2025-жылга турак жай салыгынын жаңы өлчөмүн чарчы метрине 75 сом деп бекитти.
Түшүндүрмөдө инфляциядан улам турак жайдын баасы жыл сайын өсүп жатканы, салык коюму көптөн бери өзгөрбөй келгендиги жазылган.
Мэриянын айтымында, 2011-2023-жылдардагы инфляцияны эске алганда, коюм 95 сом болушу мүмкүн эле, бирок 75 сом оптималдуу чечим катары кабыл алынган.
Ал эми Кыргызстандын Салык кодексине ылайык, салык ставкасы 1 чарчы метрге 100 сомдон ашпоого тийиш.
80 чарчы метрге чейинки батирлердин, 150 чарчы метрге чейинки жеке үйлөр менен дачалардын ээлери бул салыктан бошотулат.
Эске салсак, мурда бул сумма 25,2 сомдон 63 сомго чейин болчу.