Балыкчы шаарынын мэри болуп Азамат Арнабек уулунун ордуна Султан Кермалиев дайындалды. Тиешелүү тескемеге өлкө башчы Садыр Жапаров кол койгон. Бул тууралуу президенттин маалымат кызматынан билдиришти.
Кермалиев 36 жашта. Курулуш тармагында окуп, эмгек жолун ширетүүчүдөн баштаган. Кийин курулуш компаниясын негиздеген. Чолпон-Атага комуз түрүндө курулган пирстин, ошондой эле Балыкчыдагы пляжга коюлган Зевс менен Посейдон статуяларынын автору катары таанымал.
Үй-бүлөлүү, үч баланын атасы.