Тажикстан Республикасынын Премьер-министри Кохир Расулзода жумушчу сапары менен Кыргыз Республикасына келди.
Бишкек шаарындагы Манас эл аралык аэропортунда конокту Кыргыз Республикасынын Министрлер Кабинетинин Төрагасынын орун басары – Суу ресурстары, айыл чарба жана кайра иштетүү өнөр жайы министри Бакыт Төрөбаев тосуп алды.
Сапардын алкагында Кохир Расулзода Бишкек шаарында өтө турган кыргыз-тажик Өкмөттөр аралык кеңешинин биринчи жыйынына катышат. Жыйындын жыйынтыгында бир катар эки тараптуу документтерге кол коюу пландалууда.
Ошондой эле эки өлкөнүн өкмөт башчылары борбор калаадагы бир катар инфраструктуралык объектилерди кыдырып чыгышат.