Өзгөчө кырдаалдар министрлиги Түштүк Кореядан эки жүк ташуучу тик учак сатып алууну карап жатат. Бул тууралуу министрдин биринчи орун басары Азамат Мамбетов Sputnik агенттигинде өткөн брифингде билдирди.
Анын айтымында, жаңы тик учактар куткаруу бөлүмдөрүнүн ыкчамдыгын арттырып, алыскы жана жетүүгө кыйын аймактарга гуманитардык жана материалдык-техникалык жүктөрдү жеткирүүнү жеңилдетет.
Учурда министрликтин карамагында үч аскердик тик учак бар.
“Акыркы беш жылда министрлик 7 млрд сомдон ашык каражатка 670 даана техника сатып алган. Эми дагы эки тик учак алуу боюнча сүйлөшүүлөр жүрүүдө”, — деди ал.