Кыргызстанда садага-битир берүүнүн тартиби жана өлчөмү бекиди. Бул тууралуу Кыргызстан мусулмандарынын дин башкармалыгынан билдиришти.
Маалыматка ылайык, буудай, ун, мейизден 1 килограмм 600 грамм, ал эми арпа жана курмадан 3 килограмм 200 грамм же алардын акчалай наркы менен берүү керек.
Садага-битирдин өлчөмү төмөнкүдөй бекитилди (учурдагы баа менен):
— Буудай — 80 сом (1,6 кг);
— Ун — 128 сом (1,6 кг);
— Мейиз — 1200 сом (1,6 кг);
— Арпа — 288 сом (3,2 кг);
— Курма — 2880 сом (3,2 кг).
«Садага-битир берүүчү адам көрсөтүлгөндүн кайсынысын чыгарса өз ыктыяры. Муктаждардын пайдасы үчүн көбүрөөгүн чыгаруусу абзел», — деп айтылат маалыматта.